مقتضبات: المرا التونسية على الوطنية

بعد أقل من أسبوع على مرور أول عيد مرأة "بعد الثورة", وبعد ما مرجونا بالخطاب المستهلك و خطاب بن علي و جماعتو المرسكل, اللي حسب الجماعة هاذم استغل المرا ووضفها كيما حب و اشتهى, بش يعاودولنا في اللّخر نفس الكلام, أمّا بالرسمي المرّة هذه موش بنيّة بعلول الفاسدة (و الدليل على هذا أنه بين أكثر من عشرين وزير, حطولنا وزيرة كاملة. وين ؟ في وزارة المرا. قلك أهل مكة أدرى بشعابها ...). بعد هذا الكل, تجينا معلقة من الوطنية تحكي عالعيد و العودة المدرسية و المصروف و غلاء المعيشة, تجي تحب تحكي عالعائلات و الأولياء الواحلة و الباهتة في الغلاء و الكواء, ماتلقى تبدأ جملتها كان ب "يتقبل رب العائلة...أزمة". نندبهم ؟ ولا نكتفي ب Dégage ! Dégage ! Dégage ! تاو كيف نولي ندفع ضرائب بش نخلص الجماعة هاذم نندبهم بالرسمي.

 

مقتطف من أخبار الخميس 18 أوت 2011 على تونس ضبعة (الوطنية التونسية)